Moskvada çeçenlərlə azərbaycanlıların sözü çəp gəldi | Ölən və yaralananlar var

Moskvada çeçenlər və azərbaycanlılar arasında atışma olub. Bu barədə məlumat Rusiya mediasında yayılıb.

Xəbərə görə, 15 nəfərin iştirakı ilə Medinskaya küçəsində başlayan dava daha sonra Moskvanın cənubunda, Biryulyovo Zapadnoye ərazisində davam edib. Burada onlar odlu silahdan bir-birinə atəş açıblar.

İlkin məlumata görə, hadisə nəticəsində bir nəfər ölüb, bir neçə nəfər xəsarət alıb. Həlak olanın hansı milliyyətdən olması hələlik məlum deyil.

Münaqişədən sonra əraziyə gələn polis hadisə yerindən səpələnmiş gilizlər tapıb. Hazırda Medinskaya küçəsi mühasirəyə alınıb. Faktla bağlı araşdırmalara başlanılıb.