Pleyeri seçin:
Paylaşdıq ki, polislər baxsın, bir tədbir görsün | Pişiyə qarşı qeyri-insani davranış
Xəbərlərimizi Google-da izləyin
Yeniliklərdən dərhal xəbərdar olun
Paytaxtın Şamil Əzizbəyov küçəsi, 88 ünvanında yaşayan şəxslərdən biri pişiyə qarşı qeyri-insani davranış sərgiləyib.
Belə ki, o, heyvanı quyruğundan tutaraq eyvandan aşağı sallayıb. Bununla bağlı görüntülər isə sosial şəbəkələrdə paylaşılıb.
Sözügedən ərazidə yaşayan insanlar həmin şəxsin pişiyə qarşı etdiyi qeyri-insani davranışı qınayıblar.
“Hadisə bu binada olub, həmin videonu mən də görmüşəm, “Instagram”da qabağıma çıxmışdı. Biz də paylaşdıq ki, polislər baxsın, bir tədbir görsünlər”, – deyə sakinlərdən biri söyləyib.
Qeyd edək ki, polis əməkdaşları tərəfindən heyvana rəhmsiz rəftar edən 1994-cü il təvəllüdlü şəxs müəyyən olunaraq polis şöbəsinə çağırılıb və barəsində qanunvericiliyə uyğun tədbir görülüb.
Məlumat üçün bildirək ki, İnzibati Xətalar Məcəlləsinə əsasən, heyvanlara rəhmsiz rəftar edən, eləcə də onların döyülməsinə və ya döyüşdürülməsinə şərait yaradan şəxsləri 500 manatdan 800 manatadək cərimə gözləyir.
Kopyalandı
#Heyvanlara şiddət teqi istifadə olunub
Seçilmişlər
