Qapını açıb gördük ki, hamısı... | Ailədə müəmmalı faciə

Biləsuvarın 2 saylı qəsəbəsində ölümlə nəticələnən zəhərlənmə hadisəsi baş verib.

Qəsəbə sakinləri Yusif Allahverdiyev və onun həyat yoldaşı Şəbnəm Allahverdiyeva, eləcə də onlara qonaq gələn qohumları Coşqun Ağayev və Zahir Ağazadənin dəm qazından zəhərləndiyi bildirilir.

Hadisə nəticəsində Şəbnəm Allahverdiyeva dünyasını dəyişib.

Digər üç şəxs isə xəstəxanaya çatdırılıb. Xəstələrə ilkin tibbi yardım göstərilib. Zərərçəkənlərdən ikisi İmişli Rayon Mərkəzi Xəstəxanasının Reanimasiya şöbəsinə təxliyə edilib, digəri isə Cəbrayıl Rayon Mərkəzi Xəstəxanasında stasionar müalicəyə cəlb olunub.