Qızılca daha bir azyaşlının həyatına son qoydu

Qızılca xəstəliyindən daha bir ölüm faktı qeydə alınıb.

Şirvanın Hacıqəhrəmanlı qəsəbə sakini 12 yaşlı Ömər Şahbazlı xəstəxanada dünyasını dəyişib.

Azyaşlı bir müddət əvvəl qızılcaya yoluxub. Evdə müalicə alan 12 yaşlı Ömərin müalicəsinin düzgün aparılmaması uşaqda ağırlaşmaya səbəb olub.

Daha sonra o, Şirvan Şəhər Xəstəxanasına yerləşdirilib və süni nəfəs aparatına qoşulub. Bakı şəhərindən ixtisaslı həkim dəvət olunub.

Qızılcadan vəziyyəti ağırlaşan uşaqda kəskin pnevmoniya, infeksion toksiki şok vəziyyət olub. Bütün yardımlara baxmayaraq, o xəstəxanada keçinib.