Qubada baş verən dəhşətli qəza ilə bağlı açıqlama
Qubada ölümlə nəticələnən yol-nəqliyyat hadisəsi baş verib.
Daxili İşlər Nazirliyinin Mətbuat Xidmətinin Quba regional qrupundan verilən məlumata görə, fevralın 11-i saat 18:45 radələrində Xaçmaz-Quba yolunun Barlı kəndi ərazisindən keçən hissəsində “Priora” markalı nəqliyyat vasitəsi ağaca çırpılıb.
Hadisə nəticəsində avtomobildə olan beş nəfərdən ikisi ölüb, digər üç nəfər xəstəxanaya yerləşdirilib.
Quba Rayon Mərkəzi Xəstəxanasından bildirilib ki, yaralıların vəziyyəti ağırdır:
“Onlardan 2000-ci il təvəllüdlü şəxsə qapalı kəllə beyin travması, baş beyin əzilməsi sağ bud sümüyü və sol said sümüyünün yerdəyişmiş sınığı diaqnozu qoyulub və zərərçəkmiş reanimasiya şöbəsinə yerləşdirilib. Vəziyyəti ağır qiymətləndirilir. 2001-ci il təvəllüdlü şəxsə qapalı kəllə beyin travması, daxili qanaxma, hemorragik şok, 1991-ci il təvəllüdlü şəxsə isə qapalı kəllə beyin travması diaqnoz təyin olunaraq dərhal cərrahiyyə blokuna qaldırılıb və hər ikisinin üzərində cərrahi əməliyyat icra olunmaqdadır”.
Faktla bağlı araşdırma aparılır.
#Quba rayonu teqi istifadə olunub
- "Qonaq gələndə üzümüz qara olur" | Kənd sakinləri niyə soyuqda qalmağa məcbur olub?
- "Təcrid olunmuş" kənddə həyat | Kimsə öləndə bu daşa çıxırlar ki... - KƏNDİNƏ QAYIT
- Sakinlərin sevincinin yerini niyə qorxu alıb? | "Sevinmişdik ki, güclü işıqlarımız olacaq..."
- Əhalinin yoxa çıxdığı, gəlinlərin qayınata ilə danışmadığı kəndin sirləri - KƏNDİNƏ QAYIT
- Qubada insan sümükləri aşkarlanıb
