Pleyeri seçin:
Qubada kənddə qorxulu anlar | Kənd sakini ayının hücumuna məruz qaldı
Quba rayonunda dəhşətli hadisə baş verib, kənd sakini ayının hücumuna məruz qalıb. Hadisə Qonaqkənd qəsəbəsində qeydə alınıb. Rayonun Vladimirovka kənd sakini Azər İskəndərov xırdabuynuzlu heyvanları otararkən qəflətən yırtıcının hücumu ilə üzləşib. Ayı onu yerə yıxsa da, sürüdə olan itlər sahibini yırtıcının pəncəsindən xilas edə biliblər. Müxtəlif bədən xəsarətləri alan Azər İskəndərov Quba Rayon Mərkəzi Xəstəxanasına çatdırılıb. Ona ilkin tibbi yardım göstərildikdən sonra vəziyyəti qənaətbəxş hesab olunaraq ambulator müalicə üçün evə buraxılıb. Son vaxtlar Quba kəndlərində ayıların təsərrüfatlara hücum etməsi halları artıb.
Kopyalandı
Seçilmişlər
