"BakuBus" avtobusu ilə yük avtomobili toqquşdu | Ölən və yaralananlar var

Bakı-Qazax magistral yolunda “BakuBus” avtobusu ilə yük avtomobili toqquşub.

Hadisə ilə bağlı “Oxu.Az”a açıqlamasında Baş Dövlət Yol Polisi İdarəsinin inspektoru polis baş leytenantı Elvin Hacıyev bildirib.

İlkin məlumata görə, “BakuBus” avtobusunun içərisindəki bir sərnişin həlak olub.

“Hadisə Bakı-Qazax magistral yolunun 24-cü kilometrliyində saat 10:30-da baş verib. “BakuBus” avtobusu yolun kənarında dayanmış Tacikistan dövlətinə məxsus “Volvo” markalı TIR-a çırpılıb. İlkin məlumata görə, “BakuBus” avtobusundakı bir sərnişin həlak olub, iki nəfər isə xəsarət alıb. Faktla bağlı araşdırma aparılır”, – deyə məlumatda qeyd edilib.

Hadisə ilə bağlı Azərbaycan Yerüstü Nəqliyyat Agentliyi də məlumat yayıb.

Bildirilib ki, Bakı-Ələt yolunda Sahil qəsəbəsini “Sahil” metrostansiyası ilə əlaqələndirən 149 nömrəli avtobusun iştirakı ilə qəza baş verib:

“Hadisə hüquq-mühafizə orqanları tərəfindən araşdırılır. İctimaiyyətə əlavə məlumat veriləcək”.