"Camaatdan xəbərsiz elə şeylər edirlər..." | İtlər 1 gündə 3 nəfərə hücum etdi

Qubada eyni gündə üç nəfər it hücumuna məruz qalıb.

Sahibsiz it Küsnətqazma kəndində 7 yaşlı oğlana, Qəçrəş kəndində isə Zöhrə Mərdiyeva və Raida Salahovaya hücum edib.

“Yoldaşım yığıncağa gedəndə it arxadan gəlib ona hücum edib. Hazırda Bakıda xəstəxanadadır. İt həm sifətini, həm də qolunu dişləyib. Onları kənardan gətirib kəndə buraxırlar. Camaatın xəbəri olmadan elə şeylər edirlər. İtlərin belə özbaşınalığının qarşısı alınmasa, gələcəkdə başqa hadisələr də baş verə bilər”, – zərərçəkən Z.Mərdiyevanın həyat yoldaşı Yavər Mərdiyev deyib.

Quba Rayon Mərkəzi Xəstəxanasından bildirilib ki, zərərçəkmişlərə ilkin zəruri tibbi yardım göstərildikdən və quduzluq əleyhinə vaksin vurulduqdan sonra onlardan iki nəfər – 1960-cı il və 2018-ci il təvəllüdlü pasiyentlər Bakı şəhərində yerləşən Sabunçu Tibb Mərkəzinə təxliyə olunublar. 1959-cu il təvəllüdlü şəxs isə zəruri tibbi xidmətlər göstərildikdən sonra ambulator müalicəyə buraxılıb.