"Dedi ki, gedirəm..." - Bulvarda faciəvi şəkildə ölən məşhur fotoqrafın doğmaları danışdı - Baku TV

Bir sıra media platformalarında və sosial layihələrdə fəaliyyət göstərmiş tanınmış fotoqraf Eltac Zeynalov dünyasını dəyişib.

O, dənizdə boğularaq həyatını itirib. Mərhumun 39 yaşı var idi.

Məşhur fotoqrafın doğmaları Baku TV-yə açıqlama veriblər.

Atası Rasim Zeynalov oğlunun uzun illər səhhətində problemlərin olduğunu bildirib:

“Eltac xəstə olub, travmalı uşaq olub. Fotoqrafiya onun hobbisi idi. Ali təhsilli idi, müxtəlif saytlarla əməkdaşlıq edirdi, sərgiləri keçirilirdi. Sonuncu dəfə danışanda dedi ki, uşaqlarla gəzməyə gedir. Maşınla çıxdı və bundan sonra telefonunu söndürdü”.

Eltac Zeynalovun dostu Qismət Əliquliyev isə onun həm sənətinə, həm də şəxsiyyətinə xüsusi diqqət çəkib.

“Eltacın sənətini şəxsiyyətindən ayırmaq düzgün olmaz. Onun işlərinə baxanda necə düşündüyünü və necə bir insan olduğunu görmək mümkündür. Çox məsuliyyətli, səmimi biri idi. Ölüm həyatın bir parçasıdır, amma bu qədər tez dünyadan köçəcəyini düşünmürdüm”, – deyə o qeyd edib.