"KamAz " bir ailəyə dəhşət yaşatdı | Hacıqabuldakı hadisənin təfərrüatı

Hacıqabulda bir ailənin üç üzvü qəzaya düşüb.

Hadisə Bakı-Qazax avtomagistralının Hacıqabulun Qarasu kəndi ərazisindən keçən hissəsində qeydə alınıb.

“KamAZ” markalı yük avtomobilinin aşması nəticəsində sürücü – Bakı sakini, 47 yaşlı Samir Məmmədov dünyasını dəyişib. Sərnişinlər – 70 yaşlı Firuzə Məmmədova və 69 yaşlı Sahib Məmmədov isə xəsarət alaraq Şirvan Şəhər Mərkəzi Xəstəxanasına yerləşdirilib.

Xəstələrə ilkin tibbi yardım göstərilib, vəziyyətləri kafi olaraq dəyərləndirilir. Faktla bağlı araşdırma aparılır.