Seysmoloji mərkəzdən məlumat : iki bölgədə zəlzələ

İsmayıllı rayonunda zəlzələ baş verib. Bu barədə Respublika Seysmoloji Xidmət Mərkəzinin Zəlzələlərin Tədqiqatı Bürosu məlumat yayıb.

Bildirilib ki, təkanlar yerli vaxtla saat 11:09-da İsmayıllı stansiyasından 6 km şimalda qeydə alınıb. Zəlzələ episentrdə 4, digər yaşayış məntəqələrində 3 bal gücündə hiss olunub.

İsmayıllı ilə yanaşı, Şəmkir rayonunda da zəlzələ qeydə alınıb. Seysmoloji Xidmət Mərkəzi yeraltı təkanların yerli vaxtla saat 12:27-də Gədəbəy stansiyasından 37 km şimal-şərqdə qeydə alındığını, ancaq hiss olunmadığını bildirib. Zəlzələnin maqnitudası 4 bal, dərinliyi isə 9 kilometr olub.