Sumqayıtda dəhşətli hadisə | Yaralının son vəziyyəti açıqlandı

Sumqayıtda 40 yaşlı kişi bıçaqlanıb. Hadisə şəhərin 12-ci mikrorayonunda keçmiş məcburi köçkünlərin yaşadığı şəhərcikdə qeydə alınıb. 1984-cü il təvəllüdlü Xəyal Xiyalıyev tanımadığı şəxs tərəfindən bıçaqlanıb.

Yaralı dərhal Sumqayıt Şəhər Təcili Tibbi Yardım Xəstəxanasına çatdırılıb.

Qonşuların sözlərinə görə, hadisəni törədən şəxs Bakı şəhəri, Biləcəri qəsəbəsindən gəlib və X.Xiyalıyeva 4 bıçaq zərbəsi endirib.

Məsələ ilə bağlı Sumqayıt Tibb Mərkəzindən bildirilib ki, zəruri tibbi yardımlar göstərildikdən sonra yaralı M.A.Topçubaşov adına Elmi Cərrahiyyə Mərkəzinə təxliyə olunub.

Daxili İşlər Nazirliyindən verilən məlumata görə, polis əməkdaşları tərəfindən əməli törətməkdə şübhəli bilinən 2000-ci il təvəllüdlü Elşən Nağıyev saxlanılıb.

Hadisə tərəflər arasında şəxsi münasibətlərin pozulması zəminində baş verib.

Faktla bağlı istintaq araşdırması aparılır.