TƏBİB-dən Ağ Şəhərdəki partlayışda yaralanan şəxslərlə bağlı təcili açıqlama

Respublika Təcili və Təxirəsalınmaz Tibbi Yardım Mərkəzinə 15 yanvar tarixində saat 14:30 radələrində Xətai rayonu, N.Gəncəvi parkı ünvanından partlayış baş verməsi səbəbi ilə çağırış daxil olub. Çağırış ünvanına təcili tibbi yardım briqadası cəlb olunub.

Bu barədə TƏBİB-dən məlumat verilib.

Təcili tibbi yardım briqadası tərəfindən 35 yaşlı şəxs (kişi cinsli) tüstüdən zəhərlənmə səbəbindən Kliniki Tibbi Mərkəzin Toksikologiya şöbəsinə yerləşdirilib. Vəziyyəti orta ağır qiymətləndirilir.

Hadisə nəticəsində yanıq xəsarətləri alan 52 yaşlı şəxs isə (qadın cinsli) Nərimanov Tibb Mərkəzinin nəzdində olan Yanıq Mərkəzinə hospitalizasiya olunub. Ona üzün, hər iki qulaq seyvanlarının, gövdənin, bud və baldırın arxa səthinin II və III dərəcəli yanığı diaqnozu təyin edilib.

Hazırda xəsarət alan şəxsin müalicəsi Reanimasiya şöbəsində davam etdirilir. Vəziyyəti orta ağır olaraq qiymətləndirilir.