Tiktoker "Beniz"in məhkəməsində gözlənilməz iddia | Nələr yaşandı?

Tanınmış tiktoker "Beniz" ləqəbli Aybəniz Xəlilovanın cinayət işi üzrə növbəti məhkəmə prosesi keçirilib.

Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən prosesdə prokuror zərərçəkən Xalid Kərimovun prosesdə iştirak etməsini və məhkəmə zalında ifadə verməsini tələb edib. Zərərçəkənin vəkili isə müvəkkilinin hazırda onkoloji xəstəliyi ilə bağlı Türkiyədə müalicə aldığını bildirsə də, prokuror bu barədə onun müalicə aldığı xəstəxanadan rəsmi sənəd təqdim olunmasını istəyib.

Təqsirləndirilən Aybəniz Xəlilova da öz növbəsində günahsız olduğunu sübuta yetirəcək yeganə şəxsin Xalid Kərimov olduğunu məhkəmə tərkibinin diqqətinə çatdırıb. Buna görə də Xalid Kərimovun prosesə onlayn qoşulması vacib sayılıb.

Qeyd edək ki, "Beniz" ləqəbli tiktoker barəsində sevgili olduğu Xalid Kərimov Suraxanı Rayon Polis İdarəsinə şikayət edib və hüquq-mühafizə orqanı tiktoker barəsində şikayətçinin təqdim etdiyi sübutları əsas götürərək Cinayət Məcəlləsinin 182.2.2 və 182.2.4-cü (hədə-qorxu ilə tələb etmə) maddələri ilə cinayət işi başladılıb.

İddialara görə, Aybəniz Xəlilova iş adamından hissə-hissə olmaqla 500 min manat tələb edərək mənimsəyib.