Uşaq evində 16 yaşlı qızla bağlı müəmma | Uşaq evinin əməkdaşı Baku TV-yə danışdı

Paytaxtın Xətai rayonu, 3 saylı Uşaq Evində 16 yaşlı qızın intihara cəhd etməsi ilə bağlı xəbərlər yayılıb.

Baku TV-nin əldə etdiyi məlumata görə, qız intihara cəhd etməyib. O, rəfiqəsi ilə aralarında yaranan söz-söhbət nəticəsində özünə xəsarət yetirib. Yeniyetmənin hazırda uşaq evində olduğu deyilib.

Sosial Xidmətlər Agentliyindən bildirilib ki, məsələ barədə məlumatları var. Sözügedən yeniyetməyə ilkin tibbi yardım olunub. Hazırda vəziyyəti stabildir və müəssisədədir. Hüquq-mühafizə orqanlarına məsələnin araşdırılması məqsədilə müraciət olunub.