Pleyeri seçin:
Yasamalda evdə partlayış olub | Ölən və yaralanlar var - Baku TV
Bakının Yasamal rayonunda ikimərtəbəli yaşayış evində partlayış baş verib.
Hadisə Ümid Ələkbərov küçəsində yerləşən, ümumi sahəsi 250 kvadratmetr olan evin birinci mərtəbəsində qeydə alınıb. Partlayışdan sonra yanğın başlayıb, evin bir hissəsi tamamilə dağılıb və tikiliyə ciddi ziyan dəyib.
Məlumata görə, sözügedən evdə dörd ailə yaşayırmış. Hadisə nəticəsində 2010-cu il təvəllüdlü yeniyetmə dağıntılar altında qalaraq həyatını itirib. Daha üç nəfər isə müxtəlif dərəcəli bədən xəsarətləri alıb.
Hadisə yerinə Fövqəladə Hallar Nazirliyinin yanğından mühafizə bölmələri və xilasedici qüvvələri cəlb olunub. Yanğınsöndürənlərin operativ müdaxiləsi nəticəsində alov qısa müddətdə söndürülüb və yanğının daha geniş əraziyə yayılmasının qarşısı alınıb.
Partlayışın başvermə səbəbi araşdırılır.
Kopyalandı
Seçilmişlər
