Tanınmış tiktokerin sonuncu məhkəməsi keçirilib

Yol qəzasında bir nəfərin ölümü və digərinin xəsarət almasında təqsirləndirilən "Arzum 9999" ləqəbli tiktoker İlduzə Hacıyevanın cinayət işi üzrə sonuncu məhkəməsi keçirilib.

Prosesin ilkin mərhələsində İlduzə Hacıyevanın vəkili Hikmət Əliyev vəsatətlə çıxış edərək mövcud cinayət işinin yenidən ibtidai istintaqa qaytarılmasını və yenidən hadisə yerinə baxış keçirilməsini istəyib.

Prokuror isə etirazını bildirərək vəsatətin təmin olunmamasını təklif edib. Məhkəmə yerində müşavirə keçirərək vəsatəti təmin etməyib.

Vəkillərin müdafiə çıxışlarından sonra İlduzə Hacıyevaya son söz üçün söz verilib. İlduzə Hacıyeva çıxışı zamanı özünü təsirli bilmədiyini deyərək səbəbsiz yerə 6 ay azyaşlı övladlarından ayrı qaldığını bildirib.

Müşavirədən sonra hökm elan edilərək İlduzə Hacıyeva 2 il sürücülük hüququndan məhrum edilməklə 5 il 2 ay azadlıqdan məhrum edilib.