Yeni açılan ödənişli yolda yüksək sürətlə hərəkət etdilər: BDYPİ araşdırmalara başladı

Sosial şəbəkələrdə yeni açılmış, ödənişli Bakı-Quba-Rusiya Federasiyası yolunda avtomobilini saatda 200 kilometr və daha artıq sürətlə idarə edən şəxslərin görüntüləri yayımlanıb.

Yolda hərəkət edən sürət həvəskarlarının yayımladığı video cəmiyyət arasında birmənalı qarşılanmayıb və müzakirələrə səbəb olub.

Məsələ ilə bağlı Baş Dövlət Yol Polisi İdarəsindən bildirilib ki, sosial şəbəkələrdə yayılmış videogörüntü ilə bağlı məlumatlıdırlar. Məsələ ilə bağlı araşdırma aparılacaq.

Qeyd edək ki, Azərbaycan Avtomobil Yolları Dövlət Agentliyi Azərbaycanda magistral yollarda maksimum sürətin 110 km/saat təyin olunduğunu açıqlayıb. Təyin edilmiş sürəti keçənlər isə inzibati məsuliyyət daşıyırlar.