Zaqatalada bədbəxt hadisə | İdarə əməkdaşı iş başında vəfat etdi

Zaqatalada suvarma sistemlərinin əməkdaşı iş başında həyatını itirib.

Hadisə günorta saatlarında rayonun Çobankol kəndində artezian quyusunda təmir işləri aparılan zaman baş verib.

Hadisə ilə bağlı Azərbaycan Dövlət Su Ehtiyatları Agentliyindən bildirilib ki, zərərçəkmiş şəxs Azərbaycan Dövlət Su Ehtiyatları Agentliyinin Zaqatala rayonunda yerləşən yerli istismar idarəsində elektrik peşəsində çalışan H.Qaracayevdir. O, subartezian quyusunda təmir işləri görülən zaman vəfat edib.

Meyit Məhkəmə Tibbi Ekspertiza və Potoloji Anatomiya Birliyinin Zaqatala Rayon Şöbəsinə təhvil verilib.

Hazırda faktla bağlı Zaqatala Rayon Prokurorluğunda araşdırma aparılır.