Zaqatalada maşın aşdı | FHN sürücünü belə xilas etdi

Zaqatalada yol-nəqliyyat hadisəsi olub. Hadisə Gözbarax kəndində baş verib.

Rayonun Yeni Suvagil kənd sakini 1989-cu il təvəllüdlü Rövşən Abdulsalam oğlu Qurbanovun idarə etdiyi “KIA” markalı 99-RA-501 dövlət nömrə nişanlı minik avtomobili idarəetmədən çıxaraq yolun kənarındakı çökəkliyə aşıb.

Qəza zamanı sükan arxasında sıxılmış vəziyyətdə qalan sürücü R.Qurbanovu avtomobildən çıxarmaq üçün əraziyə Fövqəladə Hallar Nazirliyinin Zaqatala rayon Dövlət Yanğından Mühafizə Hissəsinin texnikası və yanğınsöndürən xilasediciləri cəlb edilib.

R.Qurbanov avtomobildən çıxarılaraq Zaqatala Rayon Mərkəzi Xəstəxanasına yerləşdirilib.

Faktla bağlı araşdırma aparılır.