İdman
Pleyeri seçin:
63 yaşlı idmançımız Avropa çempionatında qızıl medal qazandı
63 yaşlı azərbaycanlı cüdoçu Fərhad Rəcəbli Avropa çempionatında qələbə qazanıb.
Sloveniyanın Podçetrtek şəhərində veteran cüdoçular arasında keçirilən yarışda qüvvəsini sınayan F.Rəcəbli 9-cu dəfə qitənin ən güclüsü adını qazanıb.
M7 kateqoriyasında 90 kiloqram çəki dərəcəsində mübarizə aparan idmançımız əvvəlcə yerli cüdoçu ilə görüşdən qalib ayrılıb. Daha sonra Serbiya və Polşa təmsilçilərini də məğlub edən idmançımız finala adlayıb.
Qızıl medal uğrunda isveçrəli Marsel Furstla üz-üzə gələn veteran cüdoçumuz burada da qalib gələrək, fəxri kürsünün ən yüskək pilləsinə qalxıb.
Qeyd edək ki, Sloveniyadakı yarışda 1-ci yeri tutan F.Rəcəbli həm də 10 qat dünya çempionudur.
Kopyalandı
Seçilmişlər
