İdman
Pleyeri seçin:
65 yaşlı azərbaycanlı idmançı Fərhad Rəcəbli dünya çempionu olub
Azərbaycanlı veteran cüdoçu Fərhad Rəcəbli 12-ci dəfə dünya çempionu olub.
65 yaşlı idmançı Amerika Birləşmiş Ştatlarının Las-Veqas şəhərində keçirilən yarışda 90 kq çəki dərəcəsində mübarizə aparıb.
İlk görüşündə yerli cüdoçu Lorenso Şippdən güclü olan Fərhad Rəcəbli ardınca Fransanı təmsil edən 3 idmançıya qalib gəlib. Bununla da, F.Rəcəbli usta cüdoçular arasında dünya çempionatında 12-ci qızıl medalını qazanıb.
Qeyd edək ki, noyabrın 7-dək davam edəcək turnirdə 68 ölkədən 1087-si kişi və 788 qadın olmaqla ümumən 1275 idmançı qüvvəsini sınayır. Ölkəmiz yarışda kişilər arasında 6 yaş kateqoriyası üzrə 9 idmançı, qadınlar arasında isə F5 yaş kateqoriyası üzrə 70 kq çəkidə Zülfiyyə Hüseynova ilə təmsil olunur.
Kopyalandı
Seçilmişlər
