Ağırlıqqaldıranımız Dadaş Dadaşbəyli MDB oyunlarının qalibi oldu

Minskdə keçirilən II MDB Oyunlarında daha bir idmançımız çempion olub.

Belarusun paytaxtında təşkil olunan turnirdə ağırlıqqaldıranımız Dadaş Dadaşbəyli 1-ci yeri tutub. 109 kq çəki dərəcəsində mübarizə aparan Dadaş 2 hərəkətin cəmində 393 kq nəticə göstərərək bütün rəqiblərini qabaqlayıb. 109 kq çəkidə yarışan daha bir təmsilçimiz Əli Şükürlü isə 5-ci yeri tutub.

Qeyd edək ki, Minskdə keçirilən II MDB Oyunlarında ölkəmizin aktivində ümumilikdə 25 medal var. 5 qızıl, 6 gümüş və 14 bürünc mükafata yiyələnən millimiz hazırda komanda hesabında 4-cü pillədə qərarlaşıb.