Azərbaycan atıcısı II MDB oyunlarının qalibi oldu

Belarusda keçirilən II MDB Oyunlarında atıcımız Leyli Əliyeva qızıl medal qazanıb.

Minskdə təşkil olunan turnirdə 10 metr məsafəyə pnevmatik tapançadan atəşaçmada yarışan Leyli finalda ermənistanlı Nare Qabrielyanla mübarizə aparıb. Həlledici mərhələdə qalib gələn idmançımız yekunda fəxri kürsünün ən yüksək pilləsinə qalxıb.

Qeyd edək ki, Leyli Əliyeva bu ilin iyul ayında baş tutan gənclər arasında Dünya Çempionatında da uğurla çıxış edib. Təmsilçimiz Cənubi Koreyanın Çanqvon şəhərindəki turnirdə bürünc medala yiyələnib.