Pleyeri seçin:
Aleks de Souza Türkiyə klubunda baş məşqçi olacaq
“Fənərbağça”nın əfsanəsi Aleks de Souza tezliklə Türkiyəyə qayıdacaq.
Bu ölkənin mediasında yayılan xəbərə görə, 46 yaşlı braziliyalı mütəxəssis “Antalyaspor”un sükanı arxasına keçəcək.
Bildirilir ki, “Beşiktaş”ın dəvət etmək istədiyi Sergen Yalçının klubdan gedəcəyi təqdirdə Antalya kollektivi Aleksə həvalə olunacaq. İddia edilir ki, de Souza komandaya rəhbərlik etməyə müsbət yanaşır və bu üzdən keçidin baş tutmaq ehtimalı yüksəkdir.
Xatırladaq ki, Aleks de Souza futbolçu karyerası ərzində 2004-2012-ci illərdə “Fənərbağça”nın lideri və kapitanı olub. Bütün yarışlarda 344 matça çıxan yarımmüdafiəçi 171 qol və 146 assistlə yadda qalıb.
Klub tarixinin ən sərrast oyunçularından olan Aleks İstanbul təmsilçisi ilə 3 dəfə Türkiyə çempionu olub. 2 dəfə superkubokda da qalib gələn de Souza, 2012-ci ildə ölkə kubokuna yiyələnib.
Kopyalandı
#Aleks de Souza teqi istifadə olunub
Seçilmişlər
