Pleyeri seçin:
Almaniya AVRO-2024-də 2-ci oyununa çıxıb
AVRO-2024-ün ilk turunda Şotlandiya millisini darmadağın edən Almaniya yığması növbəti oyununa çıxıb.
“Bundestim” bu dəfə A qrupunun digər iştirakçısı Macarıstan seçməsi ilə üz-üzə gəlib.
Ştutqart şəhərində keçirilən qarşılaşmada hesab 22-ci dəqiqədə açılıb. Camal Musiala meydan sahiblərini irəli çıxarıb. İlk hissədə başqa qol olmayıb.
2-ci yarıda Macarıstan komandası məğlubiyyətdən qurtulmağa çalışsa da, onların hücumları nəticə verməyib. Əvəzində almanlar 67-ci dəqiqədə 2-ci qolu vurublar. Bu dəfə İlkay Gündoğanın zərbəsi dəqiq olub. Qalan vaxtda başqa qol olmayıb.
Beləliklə, qarşılaşmada 2-0 hesablı qələbə qazanaraq 2 turdan sonra xallarının sayını 6-ya çatdıran Almaniya millisi 1/8 finala yüksəlib.
Qeyd edək ki, “bundestim” növbəti turda İsveçrə futbolçuları ilə qarşılaşacaq. Macarıstan kollektivi isə Şotlandiyanı sınağa çəkəcək. Hər iki oyun iyunun 23-ü keçiriləcək.
Kopyalandı
