Pleyeri seçin:
“Altın Qurd” ləqəbli Bəhram Rəcəbzadənin nokautla qələbəsi
Azərbaycanlı kikboksçu Bəhram Rəcəbzadə növbəti qələbəsini qazanıb.
“Glory Kickboxing” təşkilatında yarışan təmsilçimiz Kabo-Verde əsilli niderlandlı idmançı Luis Tavareslə qarşılaşıb.
“GLORY 86” turniri çərçivəsində baş tutan döyüş artıq 1-ci raundda yekunlaşıb. Bəhramın qüvvətli zərbəsindən sonra sarsılan L.Tavares görüşü davam etdirə bilməyib. Nokautla qələbə qazanan B.Rəcəbzadə uğurunu Azərbaycan bayrağı ilə qeyd edib.
Xatırladaq ki, kikboksinq üzrə 3 qat Azərbaycan çempionu olan Bəhram Rəcəbzadə 2017-ci ildə Budapeştdə keçirilən WAKO versiyası üzrə dünya çempionatında qızıl medal qazanıb. Bundan başqa, 31 yaşlı idmançı 2018-ci ildə WAKO versiyası üzrə Avropa çempionatında gümüş, 2022-ci ildə isə bürünc mükafata yiyələnib.
Kopyalandı
Seçilmişlər
