İdman
Pleyeri seçin:
“Arsenal” - “Çelsi” matçı darmadağınla yekunlaşıb
İngiltərə çempionatında 29-cu turun təxirə salınan matçında “Arsenal” komandası “Çelsi”ni qəbul edib.
“Emireyts” arenasında keçirilən London derbisində “topçular” artıq 4-cü dəqiqədə hesabı açıblar. Leandro Trossardın zərbəsi dəqiq alınıb.
Fasiləyədək “zadəganlar”ın bərabərlik səyləri nəticə verməyib. 2-ci yarıda isə “Arsenal” təzyiqi artırıb. Bunun nəticəsi kimi 52-ci dəqiqədə Ben Uayt fərqi 2-yə yüksəldib.
Çox keçmədən Kay Haverts 3-cü topu sabiq klubunun qapısına göndərib. 65-ci dəqiqədə Haverts dublunu rəsmiləşdirib: 4-0. Qarşılaşmada son nöqtəni özünün 2-ci, komandasının 5-ci qolunu vuran Ben Uayt qoyub. “Arsenal” – “Çelsi”: 5-0.
Derbini darmadağınla qazanan Şimali London təmsilçisi 77 xalla yarış cədvəlinə başçılıq edir. “Çelsi” isə 9-cu yerdədir.
Kopyalandı
Seçilmişlər
