İdman
Pleyeri seçin:
AVRO-2024 | Belçika - Ruminiya oyununda 2 qol vuruldu
AVRO-2024-də qrup mərhələsinin 2-ci turuna Belçika – Rumıniya görüşü ilə yekun vurulub.
E qrupunun matçında hesab erkən açılıb. Artıq 2-ci dəqiqədə Yuri Tilemans belçikalılara üstünlük qazandırıb: 1-0. Fasiləyədək hər iki komandanın qapısı yaxınlığında təhlükəli vəziyyətlər yaransa da, hesab dəyişməyib.
2-ci yarıda rumıniyalılar təzyiqi artırıblar, lakin hücumları nəticəsiz qalıb. 80-ci dəqiqədə isə Kevin De Brüyne 2-ci topu rəqibin qapısından keçirib. Qalan vaxtda başqa qol olmayıb və oyun belçikalıların 2-0 hesablı qələbəsi ilə yekunlaşıb.
Bu nəticədən sonra E qrupunda yer alan Slovakiya, Rumıniya, Belçika və Ukrayna yığmaları hərəyə 3 xal toplayıblar. Bu səbəbdən pley-offun iştirakçıları son turda məlum olacaq.
Qeyd edək ki, 3-cü turda Belçika millisi Ukrayna ilə, Rumıniya komandası isə Slovakiya ilə üz-üzə gələcək. Hər iki qarşılaşma iyunun 26-sı keçiriləcək.
Kopyalandı
Seçilmişlər
