AVRO-2024 | Serbiya - İngiltərə matçı

Almaniyada keçirilən futbol üzrə Avropa çempionatında 1-ci turun görüşləri davam edir.

Günün maraqlı qarşılaşmalarından biri C qrupunda baş tutub. Turnirin əsas favoritlərindən olan İngiltərə millisi Serbiya ilə qarşılaşıb.

“Veltins Arena”da keçirilən və italiyalı referi Daniele Orsatonun idarə etdiyi matç ingiltərəlilərin 1-0 hesablı qələbəsi ilə bitib. Oyunda yeganə qolu 13-cü dəqiqədə əsas oyunçulardan olan Cud Bellingem vurub.

Qeyd edək ki, İngiltərə yığması 2-ci turda Danimarka seçməsi ilə qarşılaşacaq. Serbiya millisi isə Sloveniya ilə münasibətlərə aydınlıq gətirəcək.