Azərbaycan çempionatı: "Neftçi" 14-cü turda "Araz Naxçıvan"ı qəbul edib

“Neftçi” Azərbaycan Premyer Liqasının 14-cü turunda “Araz-Naxçıvan”ı qəbul edib.

“Neftçi Arena”da keçirilən görüşdə hesabı meydan sahibləri açıblar. 40-cı dəqiqədə Yuri Matias qonaqların qapısına yol tapıb. İlk hissə “ağ qaralar”ın minimal üstünlüyü ilə yekunlaşıb.

2-ci yarıda hücumlarını sürətləndirən “Araz-Naxçıvan” əsas vaxta artırılan dəqiqələrdə məğlubiyyətdən qurtula bilib. Orxan Əliyev matçda son nöqtəni qoyub. “Neftçi” – “Araz-Naxçıvan”: 1-1.

Bu nəticədən sonra 21 xalı olan “Araz-Naxçıvan” 5-ci yerdədir. 19 xalı olan “Neftçi” isə 6-cı pillədə qərarlaşıb.

Qeyd edək ki, “Neftçi” növbəti turda “Zirə” ilə üz-üzə gələcək. “Araz-Naxçıvan” isə “Səbail”i qəbul edəcək.