Pleyeri seçin:
Azərbaycan kuboku: “Neftçi” - “Qarabağ” görüşü
Azərbaycan kubokunda yarımfinal mərhələsinə start verilib. İlk qarşılaşmada “Neftçi” komandası “Qarabağ”ı qəbul edib.
“Neftçi Arena”da keçirilən matçda hesab 14-cü dəqiqədə açılıb. Toral Bayramov 11 metrlik cərimə zərbəsini dəqiq yerinə yetirib. Yarım saatın tamamında Toral dubl edib: 2-0.
Fasilə ərəfəsində fərq 3 topa yüksəlib. Marko Yankoviç hədəfi dəqiq nişan alıb. İlk hissə “köhlən atlar”ın 3-0 hesablı üstünlüyü ilə yekunlaşıb.
2-ci yarıda da hücumlarını davam etdirən “Qarabağ” 86-cı dəqiqədə 4-cü qolu vurub. Nəriman Axundzadənin topu həm də yekun nəticəni müəyyənləşdirib. “Neftçi” – “Qarabağ”: 0-4.
Qeyd edək ki, bu komandalar arasında mərhələnin cavab oyunu aprelin 24-də keçiriləcək.
Kopyalandı
#Azərbaycan kuboku teqi istifadə olunub
Seçilmişlər
