Pleyeri seçin:
Azərbaycan millisinin futbolçusu Rusiya Qadınlar Liqasında rəmzi komandaya seçilib
Futbol üzrə Azərbaycanın qadınlardan ibarət millisinin müdafiəçisi Nigar Mirzəliyeva Rusiya Qadınlar Liqasında VIII turun rəmzi komandasına seçilib.
Bu barədə liqanın rəsmi saytı məlumat yayıb.
"Zenit"in formasını geyinən müdafiəçi VIII turda "Rubin"ə 2:0 hesabı ilə qalib gəldikləri oyundan sonra fərqləndirilib.
Qeyd edək ki, "Zenit" ölkə çempionatında 8 turdan sonra 17 xalla 13 komanda arasında üçüncü pillədə qərarlaşıb. Nigar “Zenit”in heyətində keçirdiyi 72 oyunda 2 dəfə rəqib qapılarına yol tapıb. Bundan əlavə, onun aktivində 2 məhsuldar ötürmə də var.
2012-ci ildən futbolla məşğul olan Nigar Mirzəliyeva Sankt-Peterburq təmsilçisindən əvvəl Azərbaycanın “Balxurma”, “Marxal” və Rusiyanın “Rubin” klublarının da şərəfini qoruyub.
Kopyalandı
Seçilmişlər
