İdman
Pleyeri seçin:
Azərbaycan rəsmiləri idmançıları izlədi | Güləşçilərimizin "Paris-2024"də iştirakı
Azərbaycan rəsmiləri Paris-2024 Yay Olimpiya Oyunlarında güləş yarışlarını izləyir.
Bu gün idmançılarımız Sənan Süleymanov və Mariya Stadnik mübarizəyə başlayıb.
Yunan-Roma güləşçisi Sənan Süleymanov 1/8 final mərhələsində Bolqarıstanı təmsil edən Ayk Mnatsakanyana, 1/4 finalda isə Macarıstan təmsilçisi Zoltan Levaya qalib gəlib. O, yarımfinalda qazaxıstanlı Demeu Zadrayevlə qarşılaşacaq.
Xanım güləşçimiz Mariya Stadnik isə 1/4 finalda Monqolustan təmsilçisi Otqonjarqal Dolqorjavla üz-üzə gəlib. Rəqib sonuncu xal prinsipinə əsasən mərhələ adlayıb. Dolqorjav finala vəsiqə qazansa Stadnik təsəlliverici qarşılaşmada qüvvəsini sınayacaq.
Qeyd edək ki, görüşləri gənclər və idman naziri Fərid Qayıbov, nazir müavini Mariana Vasileva, Milli Olimpiya Komitəsinin vitse-prezidenti Çingiz Hüseynzadə, Milli Olimpiya Komitəsinin baş katibi Azər Əliyev və Azərbaycan Güləş Federasiyasının prezidenti Mikayıl Cabbarov da canlı izləyir.
Kopyalandı
Seçilmişlər
