Cəmiyyət
Pleyeri seçin:
Maqomedxan Maqomedov Azərbaycan Prezidentindən və xalqından üzr istədi | Səsləndirdiyim fikirlər…
Fransada keçirilən Yay Olimpiya Oyunlarının bürünc medalını qazanan Azərbaycanın sərbəst güləşçisi Maqomedxan Maqomedov Rusiya mediasına verdiyi müsahibədə səsləndirdiyi bəzi ifadələrə görə Prezident İlham Əliyev və Azərbaycan xalqından üzr istəyib.
İdmançı Azərbaycan Prezidentinin verdiyi ordenin çox dəyərli olduğunu bildirib. Əlavə edib ki, səsləndirdiyi fikirlər yanlış anlaşılmanın nəticəsidir.
“Azərbaycan Prezidentinin verdiyi orden mənim üçün çox dəyərlidir və heç bir hörmətsizlikdən söhbət gedə bilməz. Baş verənlərlə əlaqədar mən Azərbaycan Prezidentindən və bütün Azərbaycan xalqından üzr istəmək istəyirəm”, – Olimpiya mükafatçısı deyib.
Qeyd edək ki, Maqomedxan Maqomedov 97 kq çəki dərəcəsində Paris-2024 Yay Olimpiadasının bürünc medalını qazanıb. Prezident İlham Əliyevin sərəncamı ilə Maqomedxan Maqomedov 3-cü dərəcəli “Vətənə xidmətə görə” ordeni ilə təltif olunub.
Kopyalandı
Seçilmişlər
