Pleyeri seçin:
Boksçumuz Murad Allahverdiyev "Paris 2024"ə qələbə ilə başladı
Paris Olimpiadasının boks turnirində daha bir idmançımız rinqə çıxıb.
Təmsilçilərimizdən 80 kiloqram çəkidə mübarizə aparan Murad Allahverdiyev 1/8 finalda misirli Abdelrahman Abdelcavadla qarşılaşıb.
Bu görüşdən qalib ayrılan boksçumuz 1/4 finala yüksəlib. Murad bu mərhələnin döyüşünü avqustun 2-də keçirəcək.
Qeyd edək ki, Fransanın paytaxtında keçirilən turnirdə daha əvvəl cüdoçumuz Hidayət Heydərov qızıl medal qazanıb. O, 73 kiloqram çəki dərəcəsində fəxri kürsünün ən yüksək pilləsinə qalxıb.
Xatırladaq ki, iyulun 26-sı start götürən Yay Olimpiya Oyunlarında 10 700-dən çox atlet 32 idman növü üzrə 329 proqramda qüvvəsini sınayır. Ölkəmizin 15 növdə 48 idmançı ilə qatıldığı turnirə avqustun 11-də yekun vurulacaq.
Kopyalandı