İdman
Pleyeri seçin:
Böyük Britaniya və Almaniya səfirlərindən Hidayət Heydərovla bağlı paylaşım
Böyük Britaniyanın və Almaniyanın Azərbaycandakı səfirləri Olimpiya çempionu Hidayət Heydərovu və ölkəmizi təbrik ediblər.
Rəsmilər bununla bağlı “X” sosial şəbəkəsində paylaşım ediblər. Böyük Britaniya səfiri Ferqus Auld şəxsi hesabında “Qızıl medal siyahısına xoş gəldin, Azərbaycan! Keçmiş həvəskar cüdoçu kimi mən bir fəndin qalibiyyətə apardığını bilirəm. Təbriklər!” sözlərini yazıb.
Almaniyalı diplomat Ralf Horlemann isə Hidayət Heydərovu “Əla idmançı və möhtəşəm uğur: bir ildə Avropa, Dünya və Olimpiya çempionu. Hörmət!” postu ilə təbrik edib.
Xatırladaq ki, Olimpiya Oyunlarına 1/8 final mərhələsindən başlayan Hidayət Heydərov ardıcıl olaraq İsrail, Kanada və Kosovo nümayəndələrinə qalib gələrək finala adlayıb. Həlledici görüşdə isə fransalı Joan Benjamen Qabanı məğlub edən cüdoçumuz Olimpiya çempionu olmaqla yanaşı, “Paris-2024”də ölkəmizə ilk medalı qazandırıb.
Kopyalandı
Seçilmişlər
