Çempionlar Liqası: PSJ Arsenalı qəbul edəcək

07 may 2025 451 baxış

Bu gün UEFA Çempionlar Liqasının ikinci finalçısının adına aydınlıq gələcək.

“Pari Sen-Jermen” və “Arsenal” arasında keçirilən yarımfinalın cavab qarşılaşması Parisdə “Park De Prens” stadionunda keçiriləcək.

Almaniyalı referi Feliks Tsvayerin idarə edəcəyi görüşün start fiti saat 23:00-da səslənəcək.

İngiltərə təmsilçisi oyuna itkilərlə çıxacaq. Belə ki, “topçular”ın heyətində Qabriel Jezus, Qabriel Maqalyans, Kay Havetz və Takehiro Tomiyasunun oynamayacağı dəqiqdir. Fransa klubunda isə yeganə itki Presnel Kimpenbenin yoxluğudur.

Meydan sahibi PSJ Çempionlar Liqasının yartımfinalına gedən yolda İngiltərənin 2 klubu “Liverpul” və “Aston Villa”nı mübarizədən kənarlaşdıra bilib. “Arsenal” isə pley-offda PSV və “Real Madrid”dən üstün olub. Komandalar arasında Londonda keçirilən ilk qarşılaşma qonaq PSJ-nin 1-0 hesablı üstünlüyü ilə yekunlaşıb.

Qeyd edək ki, sözügedən cütün qalibi finalda İtaliyanın “İnter” klubu ilə qarşılaşacaq.

#UEFA Çempionlar Liqası