Çempionlar Liqasında 1/8 finala start verilib

UEFA Çempionlar liqasında 1/8 final mərhələsinə start verilib.

Kopenhagendə eyni adlı komandanın qonağı olan yarışın son qalibi “Mançester Siti” inamlı qələbə ilə azarkeşlərini sevindirib.

“Parken” stadionunda keçirilən matçda “şəhərlilər” 3-1 hesabı ilə güclü olublar. "Mankunianlar"ın qollarını Kevin De Brüyne, Bernardu Silva və Fil Foden vurub. Danimarka təmsilçisinin yeganə qolu isə Maqnus Matssonun aktivindədir. “Kopenhagen” – “Mançester Siti”: 1-3.

Digər qarşılaşmada “Leypsiq” komandası “Real Madrid”i qəbul edib. Oyunun taleyini 1 qol həll edib. 2-ci yarının əvvəlində Braim Diazın dəqiq zərbəsi “kral klubu”na qalibiyyət gətirib.

Qeyd edək ki, həm “Kopenhagen” – “Mançester Siti”, həm də “Leypsiq” və “Real” arasında mübarizənin cavab görüşü martın 6-sı keçiriləcək.