Çingiz Əlləzov erməni döyüşçülər Qriqoryan və Petrosyandan danışdı

“Marat Qriqoryana qalib gəldikdən sonra dedim ki, Qevorq Petrosyanla istədiyi vaxt döyüşməyə hazıram”.

Bu sözləri Baku TV-yə açıqlamasında kikboksinq üzrə “One Championship” Dünya Qran-prisinin qalibi və yüngül çəkidə mütləq çempion Çingiz Əlləzov deyib.

O, erməni döyüşçüləri M.Qriqoryan və Q.Petrosyanı müqayisə edib:

“İkisini müqayisə etsək, M.Qriqoryan daha güclüdür. O, son 10 ildə ermənilərin dünya miqyasında ən güclü döyüşçüsüdür, M.Qriqoryandan yaxşısı yoxdur. Mən də onunla işimi bitirdim”.

Qeyd edək ki, 30 yaşlı idmançı “ONE Fight Night 13” turnirində ermənistanlı Marat Qriqoryanı məğlub edib.