Eduard Məmmədovun tələbələri Azərbaycan çempionatında parlaq çıxış ediblər

Azərbaycan Respublikası Daxili İşlər Nazirliyinin İdman Cəmiyyətinin İdman-təlim şöbəsinin rəisi polis polkovnik-leytenantı Eduard Məmmədov və “Zv Fight Academy”nin məşqcisi Ayaz Mehdiyevin yetirmələri sentyabrın 22-dən 24-dək davam edən kikboksinq üzrə Azərbaycan çempionatında 5 qızıl medal qazanıblar.

İdmançılardan Elvin Məmmədov 54, Anar Məmmədov 57, “Ağ Canavar” ləqəbli Amin Quliyev 60, Qiyas Şahmərdanov 63,5, kadetlər arasında çıxış edən Amid Ağakişiyev isə 47 kq-dan yuxarı çəki dərəcəsində qızıl medala yiyələnib.

Eduard Məmmədov bu uğur münasibətilə Milli Məclis sədrinin müavini, Azərbaycan Kikboksinq Federasiyasının fəxri prezidenti Adil Əliyev, eləcə də Azərbaycan Kikboksinq Federasiyasının prezidenti Orxan Əliyevə təşəkkürünü bildirib.

Qeyd edək ki, Eduard Məmmədovun tələbələrindən Amin Quliyev oktyabrın 21-dən 30-dək davam edəcək “Dünya Kombat Oyunları”nda Azərbaycan Kikboksinq Federasiyasından qatılacaq yeganə idmançı olacaq. Noyabrın 17-dən 26-dək təşkil olunacaq böyüklər arasında dünya çempionatına isə dəfələrlə dünya və Avropa çempionu Eduard Məmmədovla yanaşı, tələbələri Anar Məmmədov, Fərid Ağamoğlanov, Amin Quliyev, Qiyas Şahmərdanov və Elvin Məmmədov qatılacaqlar.