Eduard Məmmədovun tələbələrindən növbəti uğur

Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı Eduard Məmmədov və “ZV Fight Academy”nin məşqcisi Ayaz Mehdiyevin tələbələri kikboksinqin “Wako” versiyası üzrə dünya kubokunda uğurla çıxış ediblər.

Onlar Türkiyənin İstanbul şəhərində baş tutan yarışda 6-sı qızıl, 1-i gümüş və 1-i bürünc olmaqla, ümumən 8 medal qazanıblar.

Kikboksçularımızdan “Lou kik” kateqoriyasında mübarizə aparan “Ağ canavar” ləqəbli Amin Quliyev 63.5, “Tayson” ləqəbli Elvin Məmmədov 57, Ramal Həsənli 81, Rinat Qiyasov isə 45 kq çəkidə qızıl medalın sahibi olub. Bundan başqa, 63.5 kq çəkidə “Ful kontakt” növündə yarışan Fərid Ağamoğlanov da turniri 1-ci pillədə tamamlayıb.

Qeyd edək ki, dünya kubokunda Eduard Məmmədovun oğlu, “Ağ canavar” ləqəbli Raul Məmmədov da uğurla çıxış edib. “Kick Light” versiyası üzrə 30 kq-da qüvvəsini sınayan Raul gümüş medala yiyələnib. Daha bir idmançımız “Ful kontakt”da yer alan Sadiq Abdullayev isə bürünc mükafatın sahibi olub.