Əliyar Ağayev Çempionlar Liqası oyununu idarə edəcək

Azərbaycanlı FIFA referisi Əliyar Ağayev UEFA-dan növbəti təyinat alıb.

Bu barədə Azərbaycan Futbol Federasiyaları Assosiasiyasının rəsmi saytında məlumat verilib.

Bildirilib ki, Ə.Ağayev Çempionlar liqasının Liqa mərhələsinin II turu çərçivəsində keçiriləcək “Şturm” – “Brügge” oyununun baş hakimi olacaq. Ona Zeynal Zeynalov və Akif Əmirəli kömək edəcəklər.

Dördüncü hakim funksiyasını Tural Qurbanov yerinə yetirəcək. Matçın VAR hakimləri isə İngiltərədən Devid Kut və Stüart Attuell olacaq.

Qeyd edək ki, oktyabrın 2-si Avstriyada yerləşən “Merkur Arena”da keçiriləcək görüş Bakı vaxtı ilə saat 23:00-da başlayacaq.