Əliyar Ağayev "Mançester Siti"nin oyununu idarə edəcək

Ölkəmizin məşhur futbol hakimlərindən Əliyar Ağayev UEFA-dan növbəti təyinat alıb.

36 yaşlı FIFA referisi Çempionlar Liqasında yarışın son qalibi “Mançester Siti”nin görüşünü idarə edəcək. “Şəhərlilər” qrup mərhələsinin son turunda Serbiyada “Srvena Zvezda”nın qonağı olacaqlar.

Belqradda keçiriləcək qarşılaşmada Əliyar Ağayevə Zeynal Zeynalov və Akif Əmirəli köməklik edəcəklər. 4-cü hakim funksiyasını isə Elçin Məsiyev yerinə yetirəcək.

Qeyd edək ki, bu oyun dekabrın 13-ü Bakı vaxtı ilə saat 21:45-də başlayacaq.