İdman
Pleyeri seçin:
“Fənərbağça” fransalı ulduz futbolçunu heyətinə qatıb
Yeni mövsümə hazırlıqlarını davam etdirən “Fənərbağça” daha bir transferi rəsmiləşdirib.
İstanbul nəhəngi Səudiyyə Ərəbistanının “Əl-Əhli” komandasında çıxış edən Allan Sen-Maksimeni icarə əsasında heyətinə qatıb. Fransalı futbolçu qarşıdakı mövsümü Türkiyə klubunda keçirəcək.
Qeyd edək ki, Allan Sen-Maksimen artıq İstanbuldadır. 27 yaşlı oyunçu “Fənərbağça” azarkeşləri tərəfindən böyük coşqu ilə qarşılanıb.
Xatırladaq ki, ötən ilin yayında 30 milyon avroya “Nyukasl”dan “Əl-Əhli”yə transfer olunan Allan geridə qalan mövsümdə 31 oyuna 4 qol və 10 asistlə yadda qalıb.
Əlavə edək ki, “Sent-Etyen” akademiyasının yetirməsi olan Allan Sen-Maksimen karyerası ərzində “Monako”, “Bastiya”, “Nitsa” və “Hannover” klublarında top qovub. Onun “Transfermarkt” portalına görə dəyəri isə 18 milyon avrodur.
Kopyalandı
Seçilmişlər
