Türkiyədə əməliyyat I Ulduz futbolçular, hakimlər və klub rəhbərləri saxlanıldı

İstanbul Baş Prokurorluğu bu səhər futbol üzrə qanunsuz mərc şəbəkəsinə qarşı genişmiqyaslı əməliyyat keçirib.

"Haber Global" xəbər verir ki, istintaq çərçivəsində aralarında çoxsaylı futbolçular və bir neçə klub rəhbərinin də olduğu 46 nəfər barəsində həbs qərarı verilib.

Saxlanılanlar arasında Adana "Demirspor"un keçmiş prezidenti Murat Sancak və tanınmış futbol şərhçisi Ahmet Çakar da var. Çakar məhkəmə prosesindən əvvəl tibbi müayinəyə aparılıb.

Bundan başqa, "Fənərbağça"nın futbolçusu Mert Hakan Yandaş və "Qalatasaray"ın oyunçusu Metehan Baltacı ifadə vermək üçün prokurorluğa çağırılıblar. İstintaq futbol oyunlarının nəticələrinə qanunsuz müdaxilə, qeyri-leqal mərc oyunları və bəzi şəxslərin matçların manipulyasiyasında iştirak etməsi ilə bağlı iddialar üzərində aparılır.