Pleyeri seçin:
Fransa - Polşa matçında qapılara 2 qol vurulub
Almaniyada keçirilən futbol üzrə Avropa çempionatında III turun növbəti oyunlarına start verilib.
D qrupu çərçivəsində Fransa və Polşa milliləri üz-üzə gəliblər. Dortmundda yerləşən “Siqnal İduna Park” arenasında keçirilən görüşün ilk hissəsində qapılar önündə qol vəziyyətləri yaransa da, hesab açılmayıb.
İkinci yarıda Fransa seçməsi üstünlük əldə edib. 56-cı dəqiqədə Kilian Mbappe 11 metrlik cərimə zərbəsini dəqiq yerinə yetirib. Lakin polşalılar tarazlığı bərpa etməyi bacarıblar. 79-cu dəqiqədə təcrübəli futbolçu Robert Levandovski penalti zərbəsi ilə tarazlığı bərpa edib. Qarşılaşma bu hesabla yekunlaşıb.
Qeyd edək ki, bu nəticədən sonra D qrupunda 5 xalla 2-ci yerdə olan Fransa 1/8 finala vəsiqə əldə edib. Polşa yığması isə yarışla vidalaşıb.
Kopyalandı
