Futbol klubları yay transfer çalışmalarını davam etdirir

Futbol insayderləri, tanınmış idman nəşrləri və xəbər agentlikləri klubların transfer çalışmaları ilə bağlı maraqlı məlumatlar yayımlamaqda davam edir.

Son transfer xəbərlərini təqdim edirik.

Fabrizio Romano: “Monako” Pol Poqbanı azad agent qismində transfer etmək üçün müqaviləni yekunlaşdırıb. Dopinq qadağasından geri qayıdan fransız yarımmüdafiəçinin “Monako” ilə razılaşmasının son detalları yekunlaşdırılır. Futbolçu ilə iki illik müqavilə imzalanacaq.

“The Sun” nəşri: “Arsenal” Şeşkonun transferində çətinlik çəkir. Səbəb Şeşkonun yüksək maaş tələbidir. “Arsenal” eyni zamanda Viktor Gyokereçi transfer etməyə ümid edir.

“Sport es Baniya” saytı: “Barselona” gələn il Gehini azad agent qismində transfer etmək istəyir. Komanda onun vəziyyətini yaxından izləyir və ümid edir ki, o, gələn il “Kristal Pelas”dan ayrılacaq. Bu, “Barselona”ya pula xeyli qənaət etməkdə kömək edəcək. Eyni zamanda “Bayern Münhen” də futbolçunu yaxından izləyir.

“Kout Ofsayd” saytı: İbrahima Konate bu yay “Liverpul”u tərk edə bilər. “Qırmızılar”ın rəhbərliyi yeni müqavilə ilə bağlı danışıqların nəticəsiz qalacağı təqdirdə 26 yaşlı fransız mərkəz müdafiəçisini sata bilər. Konate maaşında əhəmiyyətli artıma ümid edir. Futbolçunun istəyi həftədə 235 min avrodur. Lakin klub bu qədər yüksək maliyyə tələblərini qarşılamağa hazır deyil. Müqavilə gələn ilin iyun ayında başa çatır.