Güləş Federasiyasının prezidenti karyerasını bitirən Hacı Əliyevdən yazdı

Azərbaycan Güləş Federasiyasının prezidenti Mikayıl Cabbarov karyerasını yekunlaşdıran Hacı Əliyevlə bağlı paylaşım edib.

Qurum rəhbəri “X” hesabında “Güləş Federasiyası ölkə güləşinə verdiyi töhfəyə, qazandığı uğurlarla bir çox yeniyetmə və gənc güləşçilərə ilham mənbəyi olduğuna görə Hacı Əliyevə təşəkkürünü bildirir. İnanırıq ki, o, zəngin təcrübəsi ilə bundan sonra da Azərbaycan güləşinin inkişafına dəstək olacaq”, – sözlərini yazıb.