İdman
Pleyeri seçin:
Güləşçilərimiz qələbələrini Ali Baş Komandana həsr etdi
Xorvatiyada keçirilən güləş üzrə Avropa çempionatının son günündə pəhləvanlarımız daha 3 mükafat əldə ediblər.
Yunan-Roma güləşçilərimizdən Həsrət Cəfərov 67, Ülvi Qənizadə isə 72 kq çəkidə qızıl medal qazanıb. 62 kq-da mübarizə aparan Nihat Məmmədli isə Avropa 3-cüsü olub.
Qeyd edək ki, daha əvvəl yunan-Roma güləşçilərimizdən Eldəniz Əzizli, Taleh Məmmədov və Sabah Şəriəti Zaqrebdəki yarışın yalnız final görüşündə uduzaraq gümüş medala yiyələniblər. Bununla da, 2-si qızıl, 3-ü gümüş və 1-i bürünc olmaqla ümumən 6 medal qazanan yığmamız komanda hesabında 2-ci, Türkiyə millisi isə 1-ci yerin sahibi olub.
Mükafatlandırma mərasimindən sonra hər iki ölkənin idmançıları və məşqçiləri kollektiv şəkil çəkdirərək, ölkələrimiz arasında dostluq və qardaşlıq əlaqələrinin yüksək səviyyədə olduğunu bir daha nümayiş etdiriblər.
Kopyalandı
Seçilmişlər
